Posts Tagged ‘sanskrit poems’

శివానంద లహరి – ౨౧వ శ్లోకము, తాత్పర్యము.

డిసెంబర్ 1, 2013
(శివానంద లహరి-21) – శ్రీ శంకరాచార్య విరచితము.
ధృతిస్తమ్భాధారాం దృఢగుణ-నిబద్ధాం సగమనాం
     విచిత్రాం పద్మాఢ్యాం ప్రతిదివస-సన్మార్గ ఘటితామ్ |
స్మరారే ! మ చ్చేతః-స్ఫుటపటకుటీం ప్రాప్య విశదాం
     జయ స్వామిన్ ! శక్త్యా సహ శివ – గణైః సేవిత విభో || (౨౧)
ఓ మన్మథవిజేతా! శివగణములచే సేవింపబడు ప్రభూ ! నా చిత్తము –  ధైర్యమనే స్తంభములను ఆధారముగా కలిగినదియును; సుగుణములనే గట్టి త్రాళ్ళతో కట్టబడినదియును; చలించునదియును; విచిత్రమైనదియును; కమలములతో నిండినదియును; ప్రతిరోజూ సన్మార్గమునకు మళ్ళింపబడునదియునై యున్నది. నా చిత్తమనే యీ విశదమైన స్పష్టమైన పటకుటీరంలోనికి శక్తి (అంబ)తో సహా ప్రవేశించి, జయము నందుము స్వామీ ! 

కంఠస్థ రత్నమాలిక

జనవరి 25, 2008

ఆణి ముత్యాలలాంటి తెలుగు, సంస్కృత శ్లోక పద్య గద్య సూక్తులను పిల్లలకోసం ఏర్చి కూర్చి అందిస్తున్నాం. వాల్మీకి రామాయణం, పోతన భాగవతం, కృష్ణ శతకం, సుమతీ శతకం, వేమన శతకం … వంటి ఎన్నో సద్గ్రంథాలనుంచి సేకరిస్తున్నాం.

ఈ పోష్ట్ పైభాగం లోని శీర్షిక “కంఠస్థ భారతి” పైన క్లిక్ చేస్తే side-bar పూర్తిగా కనుపిస్తుంది. ఆయా గ్రంథాల పేరుగల పేజి మీద గాని, blogroll  లోని అనుబంధ బ్లాగుల మీద గాని క్లిక్ చేయవచ్చు.