Posts Tagged ‘సంస్కృత శ్లోకములు’

శివానంద లహరి – ౨౧వ శ్లోకము, తాత్పర్యము.

డిసెంబర్ 1, 2013
(శివానంద లహరి-21) – శ్రీ శంకరాచార్య విరచితము.
ధృతిస్తమ్భాధారాం దృఢగుణ-నిబద్ధాం సగమనాం
     విచిత్రాం పద్మాఢ్యాం ప్రతిదివస-సన్మార్గ ఘటితామ్ |
స్మరారే ! మ చ్చేతః-స్ఫుటపటకుటీం ప్రాప్య విశదాం
     జయ స్వామిన్ ! శక్త్యా సహ శివ – గణైః సేవిత విభో || (౨౧)
ఓ మన్మథవిజేతా! శివగణములచే సేవింపబడు ప్రభూ ! నా చిత్తము –  ధైర్యమనే స్తంభములను ఆధారముగా కలిగినదియును; సుగుణములనే గట్టి త్రాళ్ళతో కట్టబడినదియును; చలించునదియును; విచిత్రమైనదియును; కమలములతో నిండినదియును; ప్రతిరోజూ సన్మార్గమునకు మళ్ళింపబడునదియునై యున్నది. నా చిత్తమనే యీ విశదమైన స్పష్టమైన పటకుటీరంలోనికి శక్తి (అంబ)తో సహా ప్రవేశించి, జయము నందుము స్వామీ ! 
ప్రకటనలు

హితోపదేశం నీతి సూక్తులు ( సంస్కృతం ) – 200

అక్టోబర్ 12, 2009

పంచతంత్ర కథలతో శ్రీ నారాయణ పండితుడు సంస్కృతంలో రచించిన ” హితోపదేశం ” గ్రంథం ఒక అద్భుత నీతిశాస్త్రం ! మధురమైన శైలిలోనున్న నీతికావ్యం ! సమస్త భారతీయ నీతిసార సంగ్రహం !

ప్రస్తుతానికి, మిత్రలాభము ( 1 & 2 అధ్యాయాలు ) నుండి పిల్లలకు కంఠస్థయోగ్యమైన 200 సూక్తులను ఎంపిక చేసి,మీ ముందు ఉంచుతున్నాం. ఇదివరకే ఇదే బ్లాగులోనే అందించిన వేమన సూక్తులు, భగవద్గీతా సూక్తుల తరువాత ఈ హితోపదేశ సూక్తులను కూడ పిల్లలకు ” రోజుకో సూక్తి ” పద్ధతిలో నేర్పిస్తే, వారియొక్క దృక్పథం ( Outlook ), శీలం ( Character ), వ్యవహారజ్ఞత ( Behavioural Aspects ) విషయాలలో మంచి పరిజ్ఞానంతోబాటుగా, భారతీయ సంస్కృతియొక్క పూర్తి పరిచయంకూడ కలిగితీరుతుందనటంలో ఎటువంటి సందేహం లేదు. మాతృభాషతో సాన్నిహిత్యం బాగా పెరుగుతుంది కూడా.
వీలు వెంబడి వీటి భావం తెలుగులోగాని, ఇంగ్లీషులోగాని అందిస్తాము.
ఈ నీతి సూక్తులను చూడటానికి ఇలా చేయండి:

Please click on the title ” KAMTHASTHA BHARATHI ” at the top of this Post, to get a full view of the side-bar. Then click on the page ” Hitopadesm Niti Suktulu ” in the side-bar. You have so many other Pages also on related topics useful for School Children ! BEST OF LUCK !

కంఠస్థ రత్నమాలిక

జనవరి 25, 2008

ఆణి ముత్యాలలాంటి తెలుగు, సంస్కృత శ్లోక పద్య గద్య సూక్తులను పిల్లలకోసం ఏర్చి కూర్చి అందిస్తున్నాం. వాల్మీకి రామాయణం, పోతన భాగవతం, కృష్ణ శతకం, సుమతీ శతకం, వేమన శతకం … వంటి ఎన్నో సద్గ్రంథాలనుంచి సేకరిస్తున్నాం.

ఈ పోష్ట్ పైభాగం లోని శీర్షిక “కంఠస్థ భారతి” పైన క్లిక్ చేస్తే side-bar పూర్తిగా కనుపిస్తుంది. ఆయా గ్రంథాల పేరుగల పేజి మీద గాని, blogroll  లోని అనుబంధ బ్లాగుల మీద గాని క్లిక్ చేయవచ్చు.